ناوه‌ڕۆك
ناساندن
فێربوونی شێوەکان (بە ئینگلیزی: Teaching forms for children، بە عەرەبی: تعليم اشكال لدى الأطفال)، هەرچەندە شێوە لە چەمکێکی سەرەتایی دەچێت بۆ منداڵەکەت بە شێوەیەکی سروشتی فێریان دەبێت، پێویستی بە تۆ دەبێت بۆ ناونانیان بۆ ئەوەی بزانێت کە چین.
شێوە سەرەکییەکان
بە بازنە، چوارگۆشە و سێگۆشە دەست پێ بکە، دواتر لاکێشە، هێلکەیی، ئەستێرە، یەکتر بڕ و شێوەی تریان بۆ زیاد بکە، شێوەکان ببڕە با منداڵەکەت یارییان پێ بکات، بەراوردیان بکات، بەیەکیان بگەیەنێت و دانەیەکی تایبەت بدۆزێتەوە.
بینینی بازنە
سەیری چواردەوری ماڵەوە بکەن بزانە چەند بازنە دەدۆزنەوە، وەک دەفری خڕ، کاتژمێر، سێبەری گڵۆپ، تۆپ و شتی تر، هەمان شت دووبارە بکەرەوە بۆ چوارگۆشە و شێوەکانی تر.
میکانۆ
یاری میکانۆکانی منداڵەکەت بهێنە و پێ بڵێ کە میکانۆ چوارگۆشەکان لەوانی تر جیا بکاتەوە، بینایەکی چوارگۆشە دروست بکەن بە بەکارهێنانی میکانۆ چوارگۆشەکان.
چوارگۆشە بە چیلکەی چلوورە
با منداڵەکەت چیلکەی چلوورەکان لەسەر کاغەزێک پێکەوە بنوسێنێت بۆ دروستکردنی چوارگۆشەیەک، پاشان با چوارگۆشەکە بکات بە خانوویەک یان بینایەک بە پێکەوەنانی دوو چیلکەی تر بۆ دروستکردنی چوارگۆشە بۆ سەربانی خانووەکە.
