ناوه‌ڕۆك
کەشەنگبوونی ماسولکەکان
کەشەنگبوون و ڕەقبوونی ماسولکەکان لە ماوەی دووگیانیدا باوە و زۆرینەی خانمانی دووگیان دووچاری دەبنەوە، گەر چی حاڵەتێکی باوە بەڵام بێزارکەرە و دەبێتە هۆی ئازاری جەستەی دایکەکە.
جۆرەکانی کەشەنگبوونی ماسولکەکان له ماوەی دووگیانیدا
کەشەنگبوونی ماسولکەکانی منداڵدان
کەشەنگبوونی ماسولکەکان لە مانگی دووەمی دووگیانییەوە دەست پێ دەکات و تاکوو کاتی منداڵبوون بەردەوام دەبێت، کەشەنگبوونی ماسولکەکان لە سێ مانگی یەکەمی دووگیانیدا بەهۆی گۆڕانکاری منداڵدانەوەیە لەبەر گەشەی منداڵەکەوە لە سکیدا، لە سێ مانگی دووەمی دووگیانیدا منداڵدان دەگاتە گەورەترین حاڵەتی خۆی و ئەمەش دەبێتە هۆی کەشەنگبوون و ئازار، کەشەنگبوونی ماسولکەکانی منداڵدان و سک لە سێ مانگی سێیەمی دووگیانیدا نیشانەی منداڵبوونە و هەروەها کەشەنگبوونی ماسولکەکانی قاچیش کە بە هۆی کێشی زۆری دایکەکەوە دروست دەبێت.
کەشەنگبوون و ئازاری ماسولکەکانی سک
ئەم حاڵەتە به هۆی ئەو خواردنەوەیە کە دەیخۆیت لە ماوەی دووگیانیدا
کەشەنگبوونی ماسولکەکان و ئازاری پشت
ئازاری پشت واتە منداڵەکەت لە حاڵەتی گەشەکردندایە، ئازاری پشت لە نیوەی دووەمی دووگیانیدا روودەدات و دوو جۆری هەیه
- ئازاری خوارەوەی پشت
ئەم ئازارە بەشی خوارەوەی پشتە واتە ڕێکی منداڵدان و بە وەستانی زۆر و دانیشتن و پاڵکەوتنی هەڵە ئازارەکە زیاتر دەکات.
- ئازاری ناوچەی حەوز
ئازاری ناوچەی حەوز چوار هێندەی ئازاری خوارەوەی پشت زیاترە، ئەم ئازارە لە هەردوو لای جەستەدا هەستی پێ دەکرێت تاکوو سمت و ڕان دەڕوات، ئەم ئازارە بە هۆی گۆڕانکاری هۆڕمۆنەکانەوە، جیابوونەوەی ماسولکەکان و زیادبوونی کێش و هەروەها حاڵەتەکانی دانیشتن و ڕاوەستان بە پێوە دروست دەبێت.
کەشەنگبوونی ماسولکەکان و ئازاری قاچەکان
ئازاری قاچەکان لە سێ مانگی دووەمی دووگیانییەوە دەست پێ دەکات، تاکوو ماوەی دووگیانی زیاتر بکات زیاتر دەبێت، بە هۆی زیادبوونی کێشەوە و پەستانی لەسەر قاچەکان و گۆڕانکارییە هۆڕمۆنیەکانەوە ڕوودەدات.
هۆکاری کەشەنگبوونی ماسولکەکان
- زیادبوونی کێش لەناکاو
- چوونەوەیەک و کشانی ماسولکەکان
- کەمی ئاوی جەستە
- کەمبوونەوەی کالسیۆم
- کەمبوونەوەی پۆتاسیۆم
- کەمبوونەوەی سۆدیۆم
نیشانەکانی کەشەنگبوونی ماسولکەکان
- لە کاتی پێکەنین یاخود کۆکیندا تووشی کەشەنگبوونێکی لەناکاو دەبیت
- کەشەنگبوون ڕووبدات زیاتر لە ٥ جار
- سەرمابوون، دڵتێکچوون و ڕشانەوە
- زیپکە
- ئازاری ناو شانەکان
- تای بەرز
- هەمیشە هەستێکی ناخۆشت هەیە
- بوونی کێشە لە کاتی میزکردندا
- نیشانەکانی کاتی دووگیانیت ئاسایی نییە
- خوێنبەربوون
چ خانمێک ئەگەری توشبوونی بە کەشەنگبوونی ماسولکەکان زیاترە لە ماوەی دووگیانیدا؟
زۆرینەی خانمانی دووگیان ئەم حاڵەتەیان تووش دەبێت، بەڵام ئەو خانمانەی کە نیشانەکانی دووگیانی قورسترە تێیاندا و یاخود دڵتێکچوون و ڕشانەوەی بەیانیان زۆرە زیاتر ئەگەری توشبوونیان هەیە.
ڕێگاکانی ڕێگریکردن لە کەشەنگبوونی ماسولکەکان لە ماوەی دووگیانیدا
- کاتی خەوتن قاچەکانت بە باشی کەمێک ڕابکێشە و هەروەها گۆرەوی تایبەت بە ئاوسان و کەشەنگبوونی قاچەکان لە پێ بکە.
- بەکارهێنانی تەواوکەری ماددە خۆراکیەکانی وەک مەگنیسیۆم و کالسیۆم.
- دوورکەوتنەوە لە زۆر وەستان بە پێوە یاخود زۆر دانیشتن.
- دەبێت لە کاتی کارکردنتدا ئەگەر لەسەر کورسی دانیشتوویت قاچەکانت زۆر بەو شێوەیە نەمێننەوە و بەرزیبکەرەوە.
- کاتێک کە دانیشتوویت شت دەخۆیت یان سەیری تیڤی دەکەیت، لەگەڵ ئەوەشدا زوو زوو قاچەکانت ڕاوەشێنە با بجوڵێن.
- ئەگەر پێش دووگیانیت جۆرە وەرزشێکی تایبەتت کردووە کە بووەتە هۆی کەشەنگبوونی ماسولکەکان پێویست دەکات وازی لێ بهێنیت لە ماوەی دووگیانیدا.
- کاتێک ماسولکەکانی قاچ و ڕانت کەشەنگ دەبن پیادەڕەوی بکە و پیاسە بکە تاکوو چاک ببێت.
- ئەو ماسولکانەی کە تووشی کەشەنگبوون بوون مەساجیان پێ بکە و بە جوانی بە شێوەی بازنەیی یاخود بەرەو خوارەوە مەساجی پێبکە
- لەسەر کورسییەک دابنیشە و خاولییەک دابنێ لەسەر قاچەکانت و سەهۆڵێکی بخە سەر، سەهۆڵەکە لەسەر ئەو شوێنە دابنێ کە ئازاری زیاترە و بە هیچ جۆرێک سەهۆڵ ڕاستەوخۆ مەخەرە سەر پێستەکەت تاکوو پێستت نەسوتێت.
- ڕۆژانە خواردنەوەی بڕێکی زۆری ئاو و چونکە وشکبوونەوەی جەستە هۆکارێکە تاکوو ئەو حاڵەتە زیاتر ببێت.
- خواردنی خۆراکی تەندروست و پڕ بە ماددە خۆراکییە سوودبەخشەکان، خۆراکی دەوڵەمەند بە پۆتاسیۆم و کالسیۆم و مەگنسیۆم، چونکە کەمبوونەوەی ئەمانە هۆکارێکە بۆ کەشەنگبوونی ماسولکەکان.
- لەکاتی خەوتندا خانمان سەرینێک بخەنە ژێر قاچتان و بەمەش قاچتان بەرز دەبێتەوە و ئاوی کۆبووەی قاچەکان دەگەڕێتەوە و بەمەش ئاوسان کەم دەبێتەوە.
- نابێت وەرزشێک بکەیت کە پێویست بکات بە پشتدا بکەویت.
وەرزش کردن و ڕاهێنانی تایبەت
بۆ ئەنجامدانی ئەم ڕاهێنانە ئەم هەنگاوانە جێبەجێ بکەن:
- گرنکە کە پێش ئەم وەرزشانە خۆت گەرم بکەیت.
- ڕاکێشانی ماسولکەکانی قاچ لە کاتی دانیشتندا .
- هێنانی دوو کورسی و خاولییەک، لەسەر کورسییەکیان دابنیشە و قاچی ڕاستت بخەرە سەر کورسییەکەی دیکەیان، خاولییەکە بەکاربهێنە بۆ داپۆشینی ژێر پێت، خاولییەکە بکە ژێر پێت و ڕایبکێشە بەرەو ڕووی خۆت، ماوەی ٣٠ چرکە بەم شێوەیە بمێنەرەوە، دواتر هەمان ئەم هەنگاوانەش جێبەجێ بکە بۆ قاچی چەپت، ئەم ڕاهێنانە ٢ بۆ ٣ جار لە ڕۆژێکدا ئەنجامی بدە
- ڕاکێشانی پوزی قاچ لە کاتی ڕاوەستاندا.
- پێڵاوێک کە خز نەبێت، لە شوێنێکی سافدا ڕابوەستە و ڕابوەستەلای دیوارێکدا و نزیکەی ٦٠ بۆ ٩٠ سانتیمەتر دووربە لێوەی، دەستت بخەرە سەر دیوارەکە، بە هێواشی بەرەو خوارەوە بجوڵێ تاکوو ماسولکەکانت خاو ببنەوە.
