ناوه‌ڕۆك
دڕکە و مێکوتە
دڕکە و مێکوتە هەوکردنێکی ڤایرۆسییە کە لەسەر پێستی جەستە دروست دەبێت و دەبێتە هۆی سوربوونەوە و خوران و وەک زیپکە وایە، بە نزیکەیی٪٩٥ـی خانمان لە تەمەنی وەچەخستنەوەدا بەرگرییەکی باشیان هەیە بەرامبەر بە دڕکە و مێکوتە، چونکە زۆرینە پێشتر تووش بوون، ئەگەر پێشتر توشبووی دڕکە و مێکوتە بووبیت کۆئەندامی بەرگری جەستەت بەرگری دروست کردووە بەرامبەر نەخۆشییەکە و پێویست بە ترس ناکات لەوەی کە دووبارە تووش ببیتەوە.
نیشانەکانی توشبوون بە دڕکە و مێکوتە
- تا
- سەرئێشە
- ئازاری گەدە
- ماندوویەتی
- دەرکەوتنی بڵقی سوور لەسەر پێست
- خورانێکی زۆر
خۆپارستن لە دڕکە و مێکوتە لەماوەی دووگیانی
- ئەگەر تاکوو ئێستا تووشی دڕکە و مێکوتە نەبوویت و دووگیانیت ئەوا دەبێت، زۆر ئاگاداربیت و بە تەواوی خۆت دووربخەیتەوە لە هەر کەسێک کە گوومان بکەیت توشبووە.
- ئەگەر گوومانت هەیە کە توشبوویت لە ڕابردوودا یاخود نا ئەوا پزیشک بە پشکنینی خوێن بۆی دەردەکەوێت، ئەویش بە بەدواداچوون بۆ دژە تەنی ئەم نەخۆشییە دەکات لەناو خوێنتدا، ئەگەر هات و دژە تەنی ئەم ڤایرۆسە لە خوێنتدا بوونی هەبوو ئەوا واتە پێشتر تووش بوویت و جەستەت بەرگری دروست کردووە بەرامبەری.
- دەتوانیت خۆت بکوتیت تاکوو تووش نەبیت.
- ئەگەر دووگیانیت و سەردانی کەسکێکت کردووە و بەرکەوتنت هەبووە لەگەڵی بەڵام دواتر زانیووتە کە تووشبووی دڕکە و مێکوتە بووە، پێویست دەکات دەرزی (ZIG) لە خۆت بدەیت کە تاکوو چوار ڕۆژ دوای بەرکەوتنت لەگەڵ کەسەکەدا دەتوانیت بەکاری بهێنیت تاکوو تووش نەبیت.
- دەتوانیت پێش دووگیانی پێکوتەی دڕکە و مێکوتە لە خۆت بدەیت و خۆت بکوتیت، بەڵام دەبێت وریا بیت تاکوو سێ مانگ دوای کوتاناکە نابێت دووگیان ببیت.
کاریگەری دڕکە و مێکوتە لەسەر منداڵەکە لەماوەی دووگیانیدا
- ئەگەر خانمەکە لە سێ مانگی یەکەمی دووگیانیدا دووچاری دڕکە و مێکوتە بوو ئەگەری لەبارچوونی منداڵەکەی لە نێوان ٪٠.٥ بۆ ٪١ ـە.
- ئەگەر دڕکە و مێکوتە لە نێوان هەفتەکانی ١٣ بۆ ٢٠ـی دووگیانیدا ڕوویدا ئەگەری لەبارچوونی منداڵ ٪٢ـە.
- توشبوون بە دڕکە و مێکوتە لە ٥ ڕۆژی کۆتایی دووگیانیەکەدا یاخود ١ بۆ ٢ ڕۆژی دوای منداڵبوون، ئەگەری ئەوەی کە منداڵەکە تووش ببێت بە دڕکە و مێکوتە لە نێوان ٪٢٠ بۆ ٪٢٥ـە.
تێبینی: ئەو دایکانەی کە شیر دەدەن و تووشی دڕکە و مێکوتە بوون دەبێت بە هەموو شێوەیەک دووربکەونەوە لە منداڵەکەیان و شیری پێ نەدەن تاکوو چاکدەبێتەوە، و گرنگە دایکەکە سەردانی پزیشک بکات پزیشک بە پێدانی دەرمان و ڕێنمایی وادەکات کە زوو چاکببێتەوە تاکوو بتوانێت شیر بدات بە منداڵەکەی.
ئەو کێشانەی کە منداڵەکە تووشی دەبێتەوە
- بوونی برین
- کێشەکانی چاو
- گەشەکردنی کەم
- سەری منداڵەکە بچووک دەبێت
- دواکەوتنی گەشە
- دواکەوتنی گەشەی مێشکی
- دڕکە و مێکوتە و شیردان
